Nga Qamil Gjyrezi
Rënia e Vllaznisë në kategorinë e parë, ishte një humbje për sportin dhe kulturën Shkodrane. Për shumë shkodranë Vllaznia përfaqëson, historinë, kulturën, shpirtin, ndjenjat dhe emocionet e Shkodrës.
Nuk mund të “imagjinohet” fuqia e simbolit Vllaznia, për shumë breza para viteve 90-të. Vllaznia ka luajtur një rol shumë pozitiv për promovimin e sportit shkodranë në vite.
Falë atyre 75 themeluesve, aksionerëve të parë u krijua më 16 shkurt 1919, shoqnia Vllaznia. Këto themelues, këto “aksionerë moral”, kanë një rëndësi morale, dashamirëse të madhe për Shkodrën.
Në vitin 1919, ishte shumë herët për të folur për ngjarjet dhe situatën që kaloi Vllaznia në vitin 2018, por ishin pikërisht këto përfaqësues të qytetit që i lanë Shkodrës, Vllazninë këtë pasuari sportive dhe kulturore.
Sporti, futbolli, ndikon tek ana fizike e individit por ka edhe një edhe ndikim të fuqishëm edhe tek ana shpirtërore, vecanërisht tek tifozët.
Mbi të gjitha simbolika e futbollit, ekipi i zemrës së qytetit tonë 2400 vjecar, sic është Shkodra, ndikon shumë tek qyteti, tek publiku, tek krijimi i një gjendje optimiste tek sportdashësit, kryesisht tek të rinjtë.
Nuk do të baj analizën e rënies nga kategoria, mbasi edhe në futbollin e niveleve të larta kanë ndohur këto ngjarje, biles edhe tek emrat e mëdhenj, siç është Juventusi.
Nganjëherë këto ngjarje, kanë edhe një ndikim pozitiv për të ardhmen, ndikojnë pozitivisht, mbasi i motivojnë të gjithë, futbollistët, drejtuesit dhe menaxherët dhe i detyrojnë të punojnë dhe të jenë më seriozë.
Shpreh besimin se trajneri aktual Hasan Lika do ta ringrejë Vllazninë, në kategorinë superiore në vitin 2019. Lika ka qenë një ish futbollist, me personalitet të fortë dhe një nivel shumë të mirë sportive edhe si lojtar edhe si trajner do ja dali të ketë suksese me Vllazninë.
Të njëjtin mendim kam edhe për administratorin, Suad Lici, si ish-futbollist dhe biznesmen serioz në Shkodër.
Natyrisht privatizimi I Vllaznisë do të krijojë mundësi të tjera menaxheriale dhe sportive dhe rezultate dhe cilësi më të lartë për ekipin.
Duke shpresuar për një ringritje të Vllaznisë ju uroj drejtusve të saj, suksese në “ringritjen” e këtij simboli sportiv dhe kulturorë sic ëshë Vllaznia.
Pa mbështetjen e sportdashësve të zjarrtë shkodranë, cdo gjë do të ishte e kotë. Tifozët janë shpirti dhe motive për rezultate pozitive për Vllazninë.
