Ne Shkoder ende “nuk iu ka ikur inati” nga dy piket e lena me Teuten ne ndeshjen e para tre diteve per kampionat. Nje rezultat i barabarte qe nuk ka kenaqur askend ne kampin kuqeblu.
Barazimi pa gola 0-0 me Teuten ishte nje rezultat ne disfavor te Vllaznise. Shkodraneve iu duhej ta fitonin kete ndeshje per te ruajtur hapin e kryesueses dhe per kete mendoj se ky eshte nje rezultat ne disfavor te tyre sepse e distancon paksa nga gara e titullit, por ky barazim nuk vendos gjithçka per to dhe per fatet e kampionatit.
Vllaznia ka humbur momentalisht vendin e pare por mund te them se ajo eshte akoma ne loje dhe ka shanset e veta ne garen per titull pavaresisht rezultatit. Duke pare zhvillimet e lojes theksoj se Vllaznia pati realisht me shume shanse se Teuta per ta fituar ndeshjen dhe me pak fat mund t’i mundte serish durrsaket sepse skuadra ndertoi aksione, krijoi te pakten 2-3 raste te pastra goli por finalizimi i tyre la per te deshiruar.
E shoh si fatkeqesi qe Vllaznia nuk arriti te merrte me shume se barazimi sepse ekipi luajti mire por ngerçi i plote ishte tek shenimi i golit. Keto gabime ne kete faze te kampionatit mund te kushtojne pike por dhe vendin ne renditje ndaj Vllaznia duhet te kete shume kujdes ne 5 javet e mbetura. Vllaznise dhe lojtareve te saj ne kete moment delikat te kampionatit i duhet qetesi dhe maturi.
Tani çdo ndeshje e mbetur duhet te konsiderohet si finale dhe ekipi te jape maksimumin ne fushen e lojes.Besoj se rezultati pozitiv do vije qe ne ndeshjen e ardhshme ndaj Kukesit.
