Shqipëria nuk e diskuton fare kalimin e grupit… Shqipëria, kampione e Europës 2024! Këtë kam deklaruar dhe deklaroj edhe sot në prolog të Europianit. Shumë syresh më kanë sharë, më kanë ofenduar, më kanë quajtur “të pjerdhur”, etj… E para, nuk më rruhet fare, po fare fare! E dyta, Zoti ju rujtë dhe ju bekoftë!
Në moshën 12-vjeçare, Carlos Alcaraz ëndërronte të fitonte Wimbledonin dhe Roland Garrosin. Dhe i bëri të dyja realitet. Të parin, vjet. Të dytin, të dielën e kaluar. Ëndrrat e mëdha dhe qëllimet e larta janë ato që na shtyjnë të përpiqemi më shumë dhe të arrijmë gjëra të jashtëzakonshme. Unë besoj se edhe Shqipëria mund të bëjë të njëjtën gjë në futboll.
Gjithçka fillon me një ëndërr dhe me besimin se mund të arrihet. Besimi im në suksesin e Shqipërisë në Kampionatin Europian vjen nga një dashuri e madhe për vendin tim dhe një bindje se, me punë dhe përkushtim, çdo gjë është e mundur. Nuk ka asgjë të keqe të kesh ëndrra të mëdha. Në fund të fundit, askush nuk e arrin madhështinë duke pasur frikë të ëndërrojë. Shumë herë, ne shqiptarët kemi tendencën të ndjejmë inferioritet dhe të kemi frikë të ëndërrojmë për gjëra të mëdha.
Por unë nuk dua të jem pjesë e kësaj frike. Besimi im se Shqipëria mund të fitojë Kampionatin Europian është një shprehje e dëshirës sime për të sfiduar këtë mentalitet dhe për të treguar se edhe ne mund të arrijmë majat, vetëm nëse kemi guximin të besojmë dhe të punojmë fort për ëndrrat tona.
