Nje fenomen me te vërtete qe ka shqetësuar futbollistet, trajneret, stafin teknik e presidentin e përkushtuar te Vllaznise, z.Xhaferi. Po kaq te shqetësuar edhe tifozët shkodranë. Behet fjale per ballafaqimet e Vllaznise me dy ekipe komunash Erzenin e Shijakut dhe Egnatia e Rrogozhinës.
Ne prag te takimit te kesaj jave ku Vllaznia pret ne “Loro Boriçi” skuadrën shijakase, duhet te sjellim ne vëmendje se tre ballafaqimet me ketë skuadër flasin per nje bilanc pozitiv ne favor te Erzenit, dy fitore ne Shijak dhe nje barazim ne Shkodër. Po kështu bilanci ne mes Vllaznise dhe Egnatias flet per rrogazhinazit me dy fitore e nje barazim.
Me prezencën e trajnerit te afirmuar si profesionist Mirel Josa, këto bilance ne favor te skuadrave qe kemi guxuar e i kemi etikuar si inferiore, besuam se ne fillim do te ishin rastësi.
Por keto ballafaqime u bene te frikshme jo vetëm per trajnerin me përvoje Josa, por edhe për futbollistet qe e shikonin te vështire arritjen e fitores ndaj tyre.
Mendova per nje moment se me largimin e Joses pas humbjes ne Laçin 0-2, largim ky i pranueshem nga te gjithë, Vllaznia qe iu besua Auron Milotit ne pankinë e Vioresin Sinanit si drejtor teknik, ky makth do te jepte shenjat e para te shkermoqjes se tij ne ballafaqimin e javës kaluar me Bylisin.
Pra besonim se Josa ka “tërhequr kemben” duke dale nga “Loro Boriçi” bashke edhe me makthin qe kishte mbërthyer si nje sëmundje reumatizmale gjymtyrët e Vllaznise.
Dhe vete rezultati O-0 me Bylisin inferior ne pretendimet qe ka Vllaznia per te hyre ne garën e Kupave te Evropës, me duket se do te jete e parealizueshme fitorja ndaj Erzenit te dielën ne “Loro Boriçi”.
Nuk besoj se do te shkojne deri këtu vuajtjet e drithërimat e Vllaznise e te sportdashësve. Nje çeles sekret do te afroje me guxim trajneri Miloti dhe futbollistet shkodrane (i thoshin shkodrane?!) do te dijne te vene ne lëvizje ingranazhet e ketij çelsi.
E nese jo, mos qofte e thane, unë do te beja nje propozim si per humor pa dashur te ofendoj as futbollistet dhe as stafin teknik, pra nese nuk arrihet fitorja me Erzenin, ne ballafaqimin me Egnatien, t’i propozohet FSHF-se qe Vllaznia do përfaqësohet me ekipin kampion te femrave me trajner Nikolin Leken e president Lazer Matine. Kjo pra sa per te thyer tersin.
Mos te mërziten as futbollisteve e as trajneeret se kjo qe i ngjet Vllaznise me skuadrat inferiore, po i ngjet edhe Interit ne Itali ku humbjet apo barazimet me skuadra qe luftojnë per mbijetesë i jane kthyer vertete ne nje makth.
NAMIK MEHMETI
FIRENZE O3.04.2023
