Nga Ketjola GËSHTENJA
Mbyllet me barazim ndeshja më e rëndësishme e javës së 12-të e kampionatit mes Tiranës dhe Vllaznisë. 1-1 ka qënë rezultati i klasikes së futbollit shqiptar dhe dy ekipet kanë ndarë kështu nga një pike secila.
Në “Selman Stërmasi”, bardheblutë realizuan të parët me Muçin që shënoi në minutën e 13-të duke e mbyllur me avantazh pjesën e parë.
Sulmet e shumta nuk munguan nga ana e shkodranëve por nuk kishin finalizimin e duhur.
Në minutën e 73-të Imeri barazoi shifrat me një gol me kokë. Një barazim që ka shijen e fitores pasi jo vetëm që Vllaznia del e pamposhtur nga “Selman Stërmasi” por edhe i ul hundën Tiranës në shtëpinë e tyre.
Statistikat tregojnë se kryeqytetasit në 3 nga ndeshjet e bëra së fundmi në shtëpi nuk kanë pranuar asnjë gol duke e lëne portën e paprekur. Por ishin shkodranët të cilët i dhanë fund duke mbyllur kështu sfiden me barazim.
