Kampionati i kategorisë Superiore tashmë ka marrë pushimet dhe natyrisht që është kohë bilancesh e statistikash. Kjo gjë padyshim që ndodh edhe tek Vllaznia. Interesant është fakti se janë tre futbollistë të cilët kanë qenë prezent në fushë në të 16 ndeshjet e luajtura deri më tani. Bëhet fjalë për nigerianin Nurudeen Orelesi, për Olsi Gocajn dhe për Gilman Likën.
Ndër këta “tre musketierë” vendin e parë si minutazh e zë padyshim Orelesi i cili nuk është larguar për asnjë moment nga fusha i zëvendësuar duke qenë kësisoj i plotë në aktivizim me 1440 minuta. I dyti është Gocaj që është zëvendësuar në dy ndeshje prandja ka 1405 minuta lojë ndërsa Lika i treti, ka vetëm 9 ndeshje të plota dhe 7 të tjera është zëvendësuar prandaj ka 1362 minuta aktivizim. Pas kësaj treshe vjen i katërti sulmuesi Ribaj që ka qenë në 15 ndeshje në fushë por vetëm me 660 minuta. Më pas vijnë me rradhë Hasani, Vucaj, Bardulla e Çinari me nga 14 ndeshje, Marku me 13, Tafili, Gurishta e Kalaja me 12 ndeshje aktivizim, e më tej, Selimaj, Krymi e Atsina me 10 ndeshje, Pjeshka me 9, Sherri 6, Kruja 5, Hajdari 4 dhe Ruqi 2 ndeshje aktivizim. Pra, gjithsej janë 20 futbollistë të cilët janë aktivizuar deri më tani.
© shkodrasport.com
