Pas një fillimi të mirë në Belgjikë, ku me Ostenden arriti të gjente shumë shpejtë rrugën e golit dhe të jepte asiste, sulmuesi Sindrit Guri nuk po kalon një moment të mirë dhe këtë e dëshmon fakti që nuk po gjen më hapësira në skuadër.
Pak ditë më parë, ai ishte pjesë e skuadrës së dytë në OStendes, në një takim miqësor ndaj të rinjve të Anderlehtit.
Mungesa e golit si nga Guri, ashtu edhe nga Sakala, ka bërë që drejtuesit e Ostendes të mendojnë për të gjetur një alternativë tjetër në sulm dhe nuk kanë humbur shumë kohë për ta bërë këtë gjë.
Ditët e fundit, në stërvitje me OStenden ka dalë ish-sulmuesi i Anderlehtit, Tom De Suter. Përveç se te Anderlehti, De Suter ka qenë edhe pjesë e Klub Bryzh dhe disa skuadrave të tjera.
Sulmuesi 33-vjeçar ka pasur së fundmi një kontratë me Lokerenin, por në fundin e gushtit ajo ka skaduar dhe vetë sulmuesi nuk ka dashur ta rinovojë më, duke bërë me dije se në merkaton e janarit, do të largohej.
Fakti që po stërvitet me Ostenden, bën të kuptohet se ai do të jetë pjesë e skuadrës në vitin 2019, duke qenë se as Zivkoviç, që konsiderohet edhe ylli i skuadrës, nuk po arrin të shkëlqejë. /vipsport/
