Vllaznia njihet për nxerrjen e talenteve të futbollit dhe Shkodra gjithmonë ka furnizuar me elementë shumë cilësorë futbollin tonë.
Një nga emrat e fundit që po spikat në futbollin shkodran është edhe Kamelio Palushani.
Sulmuesi 18-vjeçar së fundmi ka firmosur edhe kontratën e parë profesioniste me ekipin e Vllaznisë dhe në një pronocim për Newsport.al, ai shprehet plot emocione dhe se është një ëndërr e bërë realitet për të.
Palushani tha:
“Është një ndjesi shumë e veçantë për mua që të vesh fanelën e Vllaznisë. Mund të them që tashmë është një ëndërr e bërë realitet pasi kam firmosur për ekipin e zemrës.
Objektivi im i së ardhmes është që të përfshihem sa më shpejt në ekipin e parë dhe të luaj në vazhdimësi aty.
Gjithashtu dua që të shënoj sa më shumë gola dhe të jem i dobishëm për ekipin.
Kampionati i U-19 ? Ashtu si sezonin e kaluar që u shpallëm kampionë të Shqipërisë, do mundohemi që edhe këtë sezon ta ripërsërisim atë sukses.”/newsport/
