Roma u eliminua nga Liga e Kampionëve dhe në Itali po presin nga momenti në moment që të shkarkohet trajneri Di Françesko pasi ndeshja ndaj Portos ishte shansi i tij i fundit për të reaguar.
Në Itali kanë nisur që të vërtiten disa emra që mund të jenë pasues të Di Fraçeskos dhe njëri prej tyre është trajneri i Kombëtares, Kristian Panuçi.
Pak ditë më parë, Panuçi shihej si pretendenti kryesor për të zënë vendin e Di Françeskos dhe kishte mbështetjen e disa futbollistëve të cilët janë për momentin edhe ikona të Romës. Françesko Toti dhe Daniele De Rosi ishin dy nga ata të cilët donin Panuçin në krye të stolit por mesa duket, ‘sponsorët’ e kanë tradhtuar pasi kapiteni kërkon të qëndrojë me Di Françeskon.
“Nuk po e mbroj Di Françeskon sepse është i imi apo sepse kam kaluar kohë të bukura me të. E mbroj sepse jam menaxher i Romës dhe ai është trajneri im. Ne kemi edhe një rregull: Trajneri i Romës duhet mbrojtur deri në fund”, ishin fjalët e Totit.
Sakaq, edhe vetë De Rosi është shprehur se Roma po kalon moment të vështirë, por nuk është faji i trajnerit dhe ka kërkuar që të vazhdojë me Di Françeskon. /VipSport/
