Pragndeshja me Teuten eshte shoqeruar me disa probleme demtimesh ne kampin shkodran dhe kjo padyshim qe e ka shqetesuar stafin teknik. Trajneri Mirsad Jonuz megjithate, ne prononcimin e tij per mediat ne kete pragndeshje, eshte shprehur optimist per kete takim duke siguruar se Vllaznia nuk do te dale pa pike prej tij.
“Gjendja e ekipit ka qene pergjithesisht e mire gjate ketyre diteve me perjashtim te 2-3 lojtareve. Keshtu, Krymi ka ende shqetesime dhe nuk do te jete i gatshem, po ashtu Gligorov ende shqeteson sepse here duket mire dhe here i shfaqen problemet qe ka patur ne kavilje qe prej ndeshjes se pare me Laçin.
Nga ana tjeter edhe Emerson ka patur shqetesime por prej 3 ditesh ka filluar stervitjen me grupin dhe do ta shohim ne stervitjen e sotme nese do te jete apo jo i gatshem per jo.
Pavaresisht ketyre problemeve, pjesa tjeter e lojtareve gezon forme te mire dhe ne rradhet e tyre ka besim per ta kaluar me sukses kete ndeshje. Me Teuten jemi ndeshur ne nje miqesore para pak kohesh ne Korçe dhe kjo do te thote se deri diku e njohim ate dhe ajo na njeh ne. Do te ishte diçka shume e bukur ta fitonim kete ndeshje, por une kam shume besim se nuk do te kthehemi nga Durresi pa pike.
Skuadra po rritet,shume prej lojtareve kane ardhur vone dhe duan kohen e vet per te marre veten dhe per t’u ingranuar me skuadren, por une nuk shoh probleme. Nga ndeshja ne ndeshje, jam i bindur se Vllaznia do te vije duke e rritur lojen e saj”.
