Ndeshja miqësore e ditës së sotme në mes Vllaznisë dhe Adës, është zhvilluar me qëllim testimin e lojtarëve të huaj që kanë ardhur për provë tek skuadra shkodrane. Ka qenë trajneri Vata që e ka kërkuar atë gjë sepse donte të shihte formën e dy serbëve, Jeliç dhe Aleksiç, dy kroatëve Dujmoviç e Petraniç, lojtarit të kombëtares së Andorës Sergi Moreno dhe shkodranit të ardhur nga Italia Mbenovias.
Të gjithë këta lojtarë tentonin të bindnin stafin kuqeblu por nuk ia kanë dalë sepse paraqitja e tyre ka qenë shumë zhgënjyese. Katër nga këta lojtarë kanë qenë sulmues por në fakt ndeshja e sotme me Adën është mbyllur në barazim 0-0. Kaq mjafton për të kuptuar nivelin e tyre megjithatë jo vetëm kaq sepse edhe paraqitja në fushë ka qenë shumë zhgënjyese për të gjithë ata. Për rrjedhojë, në fund të kësaj miqësoreje, trajneri Vata thjesht u ka marrë numrat e telefonit lojtarëve si për t’u thënë se nëse do kenë nevojë për ta, do t’i telefonojnë. Telefonatë që në fakt nuk do t’u shkojë kurrë sepse Vllaznia ka hequr dorë nga ata. Me largimin e këtyre 6 futbollistëve sot, shkon në 9 numri i lojtarëve që janë provuar këtë dhjetor tek skuadra shkodrane dhe nga ata, asnjë nuk ka rezultuar i dobishëm.
www.shkodrasport.com
