Parashikimet e Shkëlqim Muçës në studion e “Rubrika Sportive” janë kthyer tashmë në një gjë të zakonshme në çdo emision, me ish-futbollistin e trajnerin e njohur që jep mendimet e tij rreth rezultateve të javës pasardhëse.
Në të fundit, Muça kishte gabuar rezultatin e ndeshjes mes Tiranës dhe Teutës, duke parashikuar suksesin e bardhebluve të cilët në fakt u mposhtën dhe kjo është bërë objekt ngacmimesh në studio me Rudi Vatën.
I pyetur për rezultatet e ndeshjeve të javës së ardhshme, Muça bëri parashikimet e tij duke përzgjedhur Tiranën fituese ndaj Vllaznisë, Partizanin ndaj Flamurtarit, Bylisin ndaj Skënderbeut, Teutën ndaj Luftëtarit dhe Kukësin ndaj Laçit.
Vata menjëherë e thumboi për parashikimin që bëri Muça duke besuar në suksesin e Tiranës ndaj Vllaznisë së tij. “Edhe në javën që vjen, Tiranën do të gabojë”, ishte duke qeshur batuta e tij, duke lënë të kuptohet se e mendonte një fitore të mundshme të Vllaznisë në duelin ndaj bardhebluve kryesues.
Tashmë pritet ndeshja e fundjavës e cila do të tregojë se cili prej të dyve kishte të drejtë në parashikimin që bëri. /vipsport/
