Situata e përhapjes së shpejtë të Covid-19 dhe humbja e shumë jetëve në Itali, kanë vendosur përpara përgjegjësisë Ligën e futbollit, që po mendon seriozisht për t’i dhënë fund kampionatit të këtij viti.
Sipas asaj që raporton Tuttosport, ka pasur debat të fortë mes presidentit të Lazio, Claudio Lotito dhe atij të Juventus, Andrea Agnelli.
Juventini i ka kërkuar kolegut që të jetë i qetë dhe të shkojë te virologu për më shumë informacion rreth këtij virusi vdekjeprurës, që ka paralizuar jetën në Europë, me Italinë që është vendi më i prekur.
Kështu, sipas medias italiane ka një hipotezë për t’u mbyllur ky sezon, teksa tituli i parë i të përditshmes Tuttosport ishte: Nuk do të luhet më. Kjo shihet si një nga hipotezat, nëse kurba e vdekjeve dhe të infektuarve nga Coronavirus nuk ulet./newsport/
