Mesfushori shkodran Erald Çinari konsiderohet një nga pikat e rëndësishme të Vllaznisë dhe jo më kot drejtuesit e saj e konsiderojnë pjesë të planeve për rikthimin e kësaj skuadre në Superligë.
Por nga ana tjetër, për këtë futbollist 22 vjeçar nuk mungojnë as ofertat.
Lojtari i kombëtares Shpresa ka patur sinjalizime edhe nga klube të ndryshme jashtë vendit por tashmë në skenë ka dalë edhe një ofertë nga Partizani.
Drejtuesit e kuq kanë ndër mend të forcojnë skuadrën dhe anësori i mesfushës mendohet të jetë një pikë e fortë dhe për më tepër, që ata janë ende në pritje të vendimit të UEFA-s për pjesmarrjen në Kupat e Europës apo jo.
Nga ana tjetër, nuk është shumë e qartë nëse Vllaznia do të heqë dorë nga shërbimet e këtij futbollisti.
Pak ditë më parë klubi kuqeblu bëri të ditur se nuk do të lejojë të largohet asnjë futbollist që është nën kontratë.
© shkodrasport.com
