Pasi e mori në huazim një vit më parë nga ekipi i Domzales në Slloveni, Partizani vendosi që të mos e blinte kartonin e Rubin Hebajt.
Shkodrani, që në 21 ndeshje të luajtura me të kuqtë, shënoi edhe 4 gola, ka njoftuar ditën e sotme edhe largimin përfundimtar nga ekipi i Partizanit. Ai shkruan në një postim në “Instagram”, se përtej këtij sezoni të mrekullueshëm, karriera e tij do vijojë në një tjetër ekip.
“Një vit i mrekullueshëm! Fitues të kampionatit kombëtar të Shqipërisë pas 26 vitesh. Një “faleminderit” e madhe shkon për Presidentin, Drejtorin, Stafin teknik dhe gjithë çunat që bënë të mundur këtë sukses për Partizanin.
Gjithashtu nuk mund të harrohen pa u falënderuar “Ultras Guerrils”, një tifozeri e mrekullueshme që na ka mbështetur si në ndeshjet në shtëpi, po ashtu edhe në ndeshjet jashtë. Karriera ime do vazhdojë në një ekip tjetër, por ky vit do mbetet gjatë në mendjen dhe zemrën time. Faleminderit FK Partizani” – shkruan Hebaj në Instagram.
Partizani nuk i bleu kartonin, sulmuesi njofton largimin nga “demat: Karriera ime do vijojë në…
