Merkato tashmë është hapur zyrtarisht dhe të gjithë ekipet e Superligës po mundohen që të bëjnë afrimet e duhura për të përforcuar skuadrat për sezonin në vijim. Partizani pas disa “firove” që ka pasur gjatë këtij sezoni ku janë larguar disa lojtarë nga të kuqtë duket se po punon shumë për të plotësuar “boshllëqet” e krijuara. Newsport.al mëson se 15 herë kampionët e Shqipërisë së fundmi janë interesuar për Senad Hysenaj.
Për shumë kënd ky emër mund të jetë i panjohur por djaloshi 19 vjeçar aktivizohet me Vllazninë B dhe ka tërhequr vëmendjen e “demave”. Hyseni luan si mbrojtës i majtë dhe ka qenë pjesë e vazhdueshme e kombëtareve U-17 dhe U-19 të Shqipërisë. Gjithashtu në ndeshjet e Champions League që Vllaznia U-19 zhvilloi kundër Zimbru të Moldavisë ai është vlerësuar edhe si më i miri në njërin prej takimeve. Në ndeshjen e fundit të vitit 2017 ai ka qenë edhe kapiten kundër ekipit të Kastirotit duke vërtetuar se atij mund ti besohet edhe një përgjegjësi e madhe në fushë. Lojtari është pjesë e Vllaznisë dhe për momentin luan në tek ekipi B në mënyrë që të ketë më tepër hapësira. Nga Partizani ai shihet si një element i prespektivës dhe që mund ti shërbejë shumë ekipit edhe në të ardhmen.
© shkodrasport.com
