Vllaznia triumfoi 2-1 ndaj Laçit më 31 maj, teksa fitoi Kupën e Shqipërisë për herë të dytë rradhazi dhe për herë të tetë në historinë e klubit shkodran. Tashmë, kuqeblutë do të marrin pjesë në turin e dytë të Conference League.
Ndërkohë, Vllaznia do të mësojë kundërshtarin europian ditën e sotme, ditë kur do të nisë edhe përgatitjet për sezonin e ri. Djemtë e Mirel Josës do të zbresin në fushë sot pasdite pas dy javësh pushimi që kanë bërë.
Nga sa mësohet, në dhjetë ditët e ardhshme, Vllaznia do të stërvitet në Shkodër, në pritje të kompletimit të kontigjentit të futbollistëve.
Më pas, drejtuesit e klubit verior kanë vendosur që kryhet edhe një mini-fazë përgatitore prej dy javësh jashtë vendit, teksa po studiohen alternativa të ndryshme. Për momentin fokusi do të jetë i përqendruar tek mesdita e sotme kur do të mësojnë edhe emrin e kundështarit me të cilin do të ndeshen në Europë.
Maringlen ZHIVANI
