Testi i kontrollit që ekipi i parë i Vllaznisë ka zhvilluar me ekipin “B” duket se ka filluar të japë efektin e vet. Menjëherë pas tij, një tjetër futbollist i këtij ekipi është vënë në dispozicion të trajnerit Gjoka. Ka qenë ky i fundit që “e ka pikasur” për lojën e zhvilluar dhe për këtë arsye, ka vendosur ta shohë më nga afër në ekipi që ai drejton.
Në fakt nuk është ndonjë risi sepse ky futbollist edhe më parë ka qenë pjesë e ekipit të parë të Vllaznisë, madje në verë ka zhvilluar edhe fazën përgatitore me të. Bëhet fjalë për Samet Ruqin.
Mbrojtësi 22 vjeçar është një nga pikat më të forta të “Vllaznisë B” dhe trajneri Ervis Kraja shpeshherë ka ngritur zërin duke thënë se ky lojtar e meriton të jetë pjesë e ekipit të parë. Tashmë duket se kjo po realizohet.Ruqi prej dy ditësh ka qenë në stërvitje dhe është vënë nën urdhërat e trajnerit Gjoka por mbetet për t’u parë vazhdimësia.
© shkodrasport.com
