Në botën e futbollit janë të shpeshta rastet kur lojtarët thirren me pseudonime e nofka të ndryshme. Kjo ndodh edhe në Shqipëri dhe tifozët aplikojnë emra të ndryshëm për lojtarët e tyre të preferuar.
Një prej këtyre “nokfave” që është përdorur në disa raste është edhe ajo “ujku”. U pat përdorur nga tifozët e Vllaznisë në vitet ’80 teksa me të thirrnin dhe mbështetsnin Ferid Rragamin, mesfushorin që me mënyrën e të luajturit, i pat bërë për vete të gjithë.
Këtë “nofkë” përdorën më pas edhe në rastin e Vioresin Sinanit, sulmuesit të talentuar kuqeblu që nuk “u ngop” asnjëherë të shënuari në portat kundërshtare.
Por ajo që të bie në sy është se tashmë edhe tek tifozët e Veleçikut po përdoret kjo “nofkë”. Po e bëjnë këtë për të thirrur e mbështetur sulmuesin e tyre- Ditmir Ujkaj. Më shumë se kurrë, ato janë dëgjuar gjatë ndeshjes së djeshme me Erzenin ku ky lojtar ndonëse nuk shënoi, ka qenë më i miri në fushë.
Shtatëshkurtër, por shumë teknik dhe i shpejtë, 21 vjeçari është shndërruar në një idhull të tifozëve koplikas që nuk ngurronin të thirrnin herëpashere “ujku- ujku”.
Ai ka dhënë një kontribut të madh sezonin e kaluar për ngjitjen e Veleçikut në kategorinë e parë, ndërkohë që këtë sezon për shkak të një dëmtimi të rëndë qëndroi disa muaj larg fushave të blerta, por tashmë është rikthyer dhe po e bën në mënyrën e duhur ndihmën për skuadrën.
© shkodrasport.com
