Manchester City hedh një hap të sigurt drejt fazës gjysmëfinale në Champions League teksa mposhti në shtëpi me shifrat 3-0, Bayern Munich. Anglezët u shfaqën dominues në fushë, sidomos pasi zhbllokuan ndeshjen në minutën e 27-të me anë të Rodrigos që shënoi një gol mjaft të bukur nga distanca.
Në fraksionin e dytë, të besuarit e trajnerit Pep Guardiola u shfaqën me një marsh më shumë dhe në harkun e shtatë minutave (70,77) shënuan dy gola me anë të Bernardo Silvas dhe Erling Haaland. Në këtë formë, The Citizens shkojnë me shumë siguri në ndeshjen e kthimit javën tjetër në Allianz Arena.
Erling Haaland ka shënuar 12 gola në 5 ndeshjet e tij të fundit. 22-vjeçari norvegjez realizoi 1 gol në ndeshjen e parë të Champions League ndaj Bayern. Haaland bën paraqitjen e tij të 39-të me Manchester City. Ai ka 45 gola dhe 5 asistime në të gjitha kompenticionet. Erling Haaland ka shënuar 45 gola në të gjitha kompeticionet këtë sezon, më shumë se çdo lojtar i Premier League në një sezon të vetëm…
Interi ka mposhur 0-2 në Da Luz Benficën në ndeshjen e parë cerekfinale të Champions League. Zikaltërit me këtë sukses janë më pranë se kurrë gjysmfinaleve. Sa i përket ndeshjes, pjesa e parë nuk prodhoi gola ndërsa me fillimin e të dytës Barrela ndëshkoi portugezët me një gol me kokë.
Në 10 minutat e fundit, Lukaku dyfishoi shifrat nga pika e bardhë falë një penalltie të dhënë nga sistemi VAR pas prekjes me dorë të Joao Mario. Ndërkohë, ndeshja e kthimit do të luhet në “San Siro” më 19 prill.