City-United dhurojnë spektakël dhe gola në derbin e Manchester-it, me sfidën e luajtur në “Etihad Stadium” që u mbyll me rezultatin 3-1.
“Citizens” diktuan ritmin e këtij takimi dhe në fund përmbysën “Djajtë e Kuq”, duke marrë piëkt e plota në takimin e javës së 27-të të Premier League. Golat për Citizens i shënuan Phil Foden me dy dhe Erling Haaland, ndërsa për Djajtë e Kuq realizoi Marcus Rashford.
Mjaftoi minuta e 8’ që pas asistit të Bruno Fernandes, Rashford të realizon një gol spektakolar dhe t’u jepte avantazhin miqve. Avantazh që zgjati deri në minutën e 56’, moment në të cilin Foden realizoi një perlë të vërtetë dhe barazoi për vendasit.
Ndërsa në minutën e 80’, i asistuar nga Alvarez, Foden përmbysi rezultatin me një tjetër super goditje. Sfida u vulos në minutën e 90+1’, me Haaland që shënoi golin e tretë për skuadrën e Pep Guardiolës si dhe i dhuroi qetësi për minutat e mbetura. Në epokën e Premier League, Manchester United nuk kishte humbur asnjë ndeshje kundër Manchester Cityt kur kishte shënuar golin e parë të ndeshjes (21 fitore, 3 barazime, 0 humbje).
Pas javës së 27-të, Manchester City ka 62 pikë, një më pak se lideri Liverpooli, ndërsa në javen e 28-të takohen pikërisht me The Reds, ne nje sfide titulli. Ne fund, edhe Pep Guardiola nuk u permbajt te goli i Haaland duke festuar dhe duke shperthyer perpara publikut.
