Debati në distancë mes Klodian Duros dhe Tahir Batatinës po vazhdon të “nxehet”. Ditë më parë, trajneri shqiptar rreth zërave se Batatina duhet të emërohet përzgjedhës i Kombëtares së Kosovë, kishte deklaruar: “Batatina mund të bëhet selektor i Kosovës pasi të kuptojë se a është trajner apo president i Llapit”.
Trajneri i Llapit iu kundërpërgjigj atij sot, përmes një postimi në faqen e tij në “Facebook”.
“Klodian Duron e respektoj si lojtar por si trajner e din ai sepse jemi ballafaquar me të dhe se si kemi kaluar në ndeshje kur e ka kërkuar topin nga 10 minuta e se ka gjetur në fushë”, shkroi mes tjerash Batatina.
Pas kësaj, tani ka reaguar edhe Duro, gjithashtu përmes rrjetit social “Facebook”. Ai ia ka përmendur edhe një gjyqtar Batatinës.
Duro publikoi edhe disa rezultate nga koha kur ai ishte trajner i Feronikelit, që kishte regjistruar dy fitore ndaj Llapit të Batatinës, krahas një humbjeje.
Postimi i plotë nga Duro (pa ndërhyrje):
“I dashur koleg Tahir Batatina
E di qe ti deshiron gjithmon te fitosh e aspiron te jesh me i miri si trajner i Llapit dhe i Kosoves.
Te dhash nje keshille publike qe ti te jesh i qarte ne ate qe do te besh e uroj te behesh me i miri.
Po te qartesoj perseri ty dhe te gjithe ata qe na ndjeki.
1. Une jam Klodian Duro i Shqiperise dhe Kosoves
2. Po ke te drejte se e kerkuam topin per ta futur ne fushe 2 here nga 10 minuta. Nga minuta e 76 kur shenuam golin e dyte deri ne minuten e 96 kur arbitiri qe kishe zgjedhur vete ti e mbylli ndeshjen se spo gjente dhe ai top per te vazhduar ndeshjen qe ti e mban mend se ke mundur Duron 3-2.
Por ke harruar te shtosh dy perballjet e tjera nga 3 qe kemi qene kunder njeri tjetrit. 1-0 & 4-0
Ketu te jane ngaterruar mendimet se ngaqe nuk po e gjeje dot taktiken e duhur per te mbyllur porten e per te mesuar futbollistiet e tu si ta mbajne ata topin.
Duro vs Batatina
Ndeshje 3. Fitore 2 Barazime 0 Humbje 1
Ku eshte topi?
