Nëse ecuria e ekipit të volejbollit është për t’u marrë shembull, ajo e ekipit të basketbollit të meshkujve të Vllaznisë ka nevojë për një alarm të fortë.
Kuqeblutë kanë pësuar mbrëmë humbjen e pestë rradhazi në kampionat, ndodhen në vendin e fundit në renditje dhe rrezikojnë seriozisht rënien nga kategoria.
Ndaj Partizanit, pavarësisht përpjekjeve, basketbollistët shkodranë kanë pësuar humbjen e rradhës. Të kuqtë kanë triumfuar me rezultatin 96 me 74 dhe në rradhët e tyre ka spikatur sidomos basketbollisti shkodran Daniel Lekndreaj që është bashkuar me Partizanin vetëm pak kohë më parë duke lënë Vllazninë.
Ndërkohë, trajneri i ekipit shkodran Fatjon Taraboshi pas kësaj humbje, ka pak fjalë për të thënë megjithatë mbet me shpresën e rikthimit të sponsorëve në janar sepse ndryshe pasojat për këtë ekip do të jenë të mëdha.
Vendi i fundit në renditje i këtij ekipi sigurisht që duhet t’i shqetësojë të gjithë sepse Vllaznia e para 2-3 sezoneve ka qenë një nga krenaritë e Shkodrës megjithatë tashmë çdo gjë ka marrë rrjedhë tjetër dhe kësaj situate i duhet dhënë fund sa më parë.
© shkodrasport.com
