Kombëtarja e Kolombisë nuk po kalon aspak një momentët të mirë. Dy humbjet e fundit kanë bërë që situata brenda dhomave të zhveshjes të agravojë deri në përplasje fizike.
Humbja 6-0 nga Ekuadori ka bërë që dy lojtarë të Kolumbisë, James Rodriguez dhe Jefferson Lerma të zihen me njëri-tjetrin.
AS shpjegon se Javier Hernandez Bonnet, drejtori i programit Blog Deportivo të Blu Radio, ka rrëfyer për një përballje të ashpër mes lojtarëve pas humbjes së turpshme me Ekuador.
Një përplasje me grushta që përfshiu lojtarë të rëndësishëm. “Brenda kombëtares ka grupe lojtarësh janë kundër njëri-tjetrit. E ka patur episode ku janë vënë në përdorim duart.
Dihet që ka ndodhur, por nuk tregohen emrat. Ishte një lojtar që ka kapur për fyti një tjetër. Flasim për dy lojtarë të nivelit ndërkombëtar”.
Akuza të rënda, që federata kolumbiane ka shpejtuar ti mohojë. Por kjo nuk ka penguar që ngjarja të bëhet cështje shtetërore. Dikush ka arritur të mësojë emrat e dy lojtarëve të përfshirë në përplasje, që sipas Caracol Radio janë pikërisht James Rodriguez e Jefferson Lerma, mesfushor i Bournemouth./newsport/
