Gerard Piqué nuk synon të ndalojë në tenis. Mbrojtësi qendror i Barcelonës ka plane të mëdha për të ardhmen, si sipërmarrës, dhe disa prej tyre, gjithashtu, kalojnë nga futbolli, sporti që ushtron prej vitesh dhe aktualisht. Kjo gjë u zbulua nga lojtari në fjalë gjatë një interviste me shtojcën e gazetës franceze “L’Equipe”, që do të publikohet nesër.
Pa hyrë në detaje, Pique pranoi se po punon për disa ide në lidhje me të ardhmen e tij: “Unë po punoj në dy projekte. Njëri ka të bëjë me blerjen e një ekipi, por për fat të keq nuk mund të them më shumë.
Tjetri lidhet me krijimin e një kompeticioni të ri të futbollit, ose përdorimin e ndonjërit, që tashmë ekziston. Nuk mund të them më shumë, por ato janë dy projekte shumë të këndshme”.
Dy fjalë tha gjiganti i Barcelonës edhe për “Kupa Davis”: “Ajo nuk do të jetë kurrë “Kupa Piqué”. “Davis” është një nga garat më të vjetra në sport dhe ne i kemi propozuar ITF vetëm një ndryshim të formatit”.
