Dinamo vjen neser ne Shkoder me synime te qarta per te treguar vlerat e saj dhe per te treguar se do te jete nje pretendente e forte deri ne fund. Per kete arsye blute do te synojne fitoren ndaj Vllaznise, skuader te cilen ato e konsiderojne nje rivale te forte ne rrugetimin e nisur.
Por nderkohe duke folur per median e shkruar, drejtori sportiv i kesaj skuadre Luan Pinari, ka evidentuar edhe kater skuadrat qe sipas tij do te luftojne deri ne fund per fitimin e titullit kampion. Ai njekohesisht eshte ndalur edhe tek sfida e neserme ne “Loro Boriçi” per te cilen ka thene:
“Dinamo futet në fushë për rezultat pozitiv. Vllaznia është ekip i vështirë për t’u mundur. Luajmë në Shkodër, në një vend që e do futbollin. Bëhet fjalë për një ndeshje tradicionale, le t’ia lejmë fushës.
Kampionati është i çuditshëm dhe i paparashikueshëm. Po të shikosh lart, do ngjitesh lart. Po shikove poshtë, mund të të merren mendtë dhe mund të biesh. Ne shikojmë gjithmonë lart. Dinamo është ndërtuar për të parë lart.
Rivalët tanë? Egnatia ka kualitet, por edhe Partizani që është skuadër cinike. Vllaznia dhe Dinamo ngjasojnë pak, pasi bëjnë futboll të bukur. Kjo është katërshja që shkon deri në fund për titullin kampion”.
