Thuajse në gjithë mediat europiane është pasqyruar lajmi se Interi po vazhdon që të marrë lojtarë të talentuar dhe këtë herë do të mundohet që të rris më tepër vlerën e një “diamanti” si Kevin Zefi.
Sulmuesi 16-vjeçar ishte pjesë e Shamrock në Irlandë, ndërsa me mënyrën sesi luante në fushë kishte vëmendjen e skuadrave më të njohura.
Mes tyre futej Juventusi dhe PSV që ishin të interesuara për të marrë Zefin. Megjithatë garën e fitoi Interi, ndërsa lojtari ka zbritur në Itali për të nisur aventurën e re në karrierë.
Fillimisht do t’i bashkohet ekipit të të rinjve dhe pritet që brenda një kohe të shkurtër të rritet gradualisht për vendin në skuadrën e parë. Sa i përket Kombëtares, Zefi është aktualisht pjesë e Irlandës U-15 ku ka shënuar 6 gola në 10 ndeshje. /Sport Ekspres/
