Indrit Tuci eshte lojtari i momentit tek Lokomotiva e Zagrebit. Ai po shkelqen kete sezon teksa ne 13 ndeshje te luajtura ka arritur te shenoje 6 gola dhe ka dhene 2 asiste. Tuci ka dhene nje interviste per emicionin “Analize kuqezi” ku ka folur per momentin e mire qe po kalon por edhe objektivat e tij:
Si e ndien veten në këto momente?
Po stërvitem mirë, po shënoj shpresoj të vazhdoj kështu.
Në cilin pozicion ndihesh më mirë, si sulmues i parë apo si numër 10?
Më mirë në majë të sulmit, por edhe si numër 10 jam mirë, s’e kam problem. Sezonin e kaluar nuk kam luajtur në vazhdimësi për arsye dëmtimesh. Në fillim të sezonit bëra fazë të mirë dhe po luaj në vazhdimësi.
Çfarë të mungon për të bërë hapin tjetër në karrierë?
Është çështje kojë me formën që po tregoj. Sigurisht dua të shkoj diku ku të luaj, jo të qëndroj në stol. Preferoj që të largohem që në janar, të kem më shumë kohë për t’u përshtatur. Ka pasur ca interesime të vogla, por nuk po fokusohem aty, e ka mendjen në fushë. Më mirë t’ia lëmë kohës.
Je formuar në Shqipëri tek Akademia e Futbollit. Kush u bë shkak që të transferoheshit në Kroaci?
Kam luajtur me profesor Alban Bushin tek Akademia e Futbollit. Besnik Prenga erdhi nga Kroacia dhe më pa, më dërgoi tek U-19 e Lokomotivës, ku luajta si mesfushor për 6 muaj. Pastaj trajneri aty më tha që më sheh si numër 9.
Kampionati kroat ka treguar që ka shërbyer si trampolinë për futbollistët shqiptarë…
Tani është momenti i duhur për të lëvizur. Puna që bëjnë kroatët me të rinjtë është për t’u marrë shembull. Fitojnë miliona nga transferimet.
