Kombëtarja polake ka rezultuar shumë e fortë për vajzat kuqezi të futbollit. Në ndeshjen e luajtur pasditen e sotme në stadiumin “Loro Boriçi”, miket kanë fituar me rezultatin 4-1 ku golin e vetëm për kombëtaren tonë e shënoi futbollistja më e mirë e kampionatit shqiptar, pjestarja e ekipit të Vllaznisë Megi Doçi. Sikora hapi serinë e golave në minutën e 5-të për Poloninë, ndërkohë që në të 13-të është Guskiora që e dërgon sërish topin në rrjetë pas një shthurje të mbrojtjes së skuadrës së Grimës.
Në fundin e pjesës së parë polakët gjejnë dhe golin e tretë me Vinkzo. Në fraksionin e dytë ndeshja është më e balancuar, por polakët gjejnë sërish rrugën e rrjetës pas një gabimi trashanik në mbrojtje të vajzave shqiptare. Vinço është sërish autorja e golit. Skuadra e Grimës reagon duke gjetur golin e nderit në minutën e 78-të me Megi Doçin, që çon në rrjetë topin pas një kundërsulmi të shpejtë.Pas kësaj humbje, Shqipëria mban vendin e fundit pas katër ndeshjesh me 0 pikë.
© shkodrasport.com
