Vllaznia e ka nisur në mënyrën më të mirë të mundshme sezonin e ri 2020-2021, duke marrë 3 pikë dhe duke arritur një fitore bindëse me rezultatin 2-0.
Por, shkodranët nuk duan që të gabojnë, përkundrazi synimi i tyre është që të vijojnë me ecuri fitoresh. Takimin e radhës e luajnë në Korçë me skuadrën korçare.
Për të motivuar ekipin, mësohet se sponsori Alban Xhaferi i ka premtuar lojtarëve dhe stafit teknik një premio prej 5 milionë lekësh të vjetra në rast fitoreje në Korçë, duke dërguar para stafit dhe skuadrës avokatin Dibra. Ai, në këtë mënyrë ka kërkuar që të karikojë skuadrën para transfertës së rëndësishme me Skënderbeun.
Duket një sfidë e vështorë, por jo e pamundur për t’u kaluat me sukses nga Vllaznia, aq më tepër që këtë sezon, të dyja ekipet kanë pozita ndryshe.
Kemi një Vllazni me një merkato shumëkombëshe dhe plotësim në çdo rol e repart dhe një Skënderbe me shumë të rinj dhe pak lojtarë me eksperiencë në gjirin e vet…
