Laçi arriti të merrte një pikë të rëndësishme në ndeshjen e sotme ndaj një Kukësit. Një ndeshje e mirë nga ana e kurbinasve që ndalin Kukësi, por afrohen edhe më shumë me objektivin e tyre. Në prononcimin e tij për “Gol pas Goli” trajneri i Prenga u shpreh i kënaqur me paraqitjen e skuadrës, por besonte se skuadra e tij kishte mundësi edhe ta fitonte ndeshjen.
“Nuk mendoj se jam i kënaqur me një pikë,jam i kënaqur me lojën, por kishim mundësi për të fituar ndeshjen pasi kishim rastin e parë për të shënuar gol. Kukësi dominoj lojën, por ishte i parrezikshëm.
Rezultati ishte i drejt për ata që prodhuan të dyja skuadrat. Ishte një terren i vështirë që nuk të lejonte të luhej shumë futbollë për të dyja skuadrat. Presidenti jonë dhe klubi ka patur të njëjtën politik për të hedhur në fushë lojtar të rinj.
Jam shumë i kënaqur nga paraqitja e tyre, çunat dhanë maksimumin sot. Kukësi është një skuadër serioze dhe i uroj suksese në ndeshje në vijim. Objektivat tona janë ti marrim ndeshjet njëra pas tjetër. Sot ia arritëm qëllimit, nëse vjen ndonjë lojtar cilësore, ai do të ketë vendin e vet.
Të rinjë nuk janë stabël pasi kampionati është i gjatë, kam punuar gjithmonë me të rinjt, kanë mbështetjen time dhe do të kenë minutat e tyre. Nuk besoj se ndryshojnë objektivat, objektivi jon ë është Europa. Çunat e rinj nuk janë vetëm për të luajtur, dhe ata e dinë që objektivi i skuadrës është të kapim Europën.
Shtubina? Sot ishte radha e Shtubinës për të ndenjtur në stol për t’i dhënë mundësi djemve të rinj. Nuk është lojtar stoli, por është aty për të na nxjer nga situata dhe më vjen mirë që bëra këtë zgjedhje”.
