Shqiperia mori sonte nje tjeter fitore, kete here ne miqesoren ndaj Bullgarise. Kuqezinjte e drejtuar nga trajneri Silvinjo kane triumfuar me rezultatin 2-0 ne “Air Albania” fale golave te shenuar nga Laçi dhe Muçi.
Pas ndeshjes nderkohe presidenti i Federates Armand Duka ne nje postim ne rrjetet sociale ka shprehur lumturine edhe per kete sukses, por nga ana tjeter u ka bere te qarte pjestareve te skuadres se nuk duhet te humbasin kohe dhe te nisin pergatitjet per “finalet” e nentorit.
“Nuk kishte si të mbyllej më bukur ky muaj me këtë fitore në miqësoren me Bullgarinë. Kombëtarja shqiptare na dhuroi gëzim të pamasë pak ditë më parë me atë sukses madhor ndaj Çekisë, duke na afruar më shumë me ëndrrën e Europianit, ndërsa sot na ofroi një tjetër perfomancë të shkëlqyer. Treguam se kemi elementë shumë të mirë, si në formacionin e parë ashtu edhe në stol.
Dua t’i falënderoj të gjithë për këtë fitore e si gjithmonë tifozët tanë të mrekullueshëm, që edhe këtë herë ishin të shumtë në numër dhe krijuan atmosferë fantastike në mbështetje të ekipit.
Bravo çunave, stafit teknik. Pas festës nuk duhet humbur kohë dhe duhet të nisim pëgatitjet për finalet e nëntorit, që janë shumë të rëndësishme. Urime!”
