Tragjedia e dy ditëve më parë që ka gaditur Shqipërinë ka bërë që njerëz nga mbarë trojet shqiptare dhe diaspora të japin kontributin e tyre në ofrimin e donacioneve për kapërcimin e situatës pas tërmetit 6.4 ballësh që shkaktoi dhjetra viktima dhe qindra të plagosur.
Por një lajm që na ka habitur të gjithëve është një ndihmë që vjen për Shqipërinë nga Presidenti i klubit basketbollit Mornar nga Tivari i Malit të Zi, Djordje Pavivecic.
Ai ka dhuruar plot 2 milionë euro për të prekurit nga tërmeti në Shqipëri, raportojnë mediat kosovare.
Në faqen e Instagramit “Basketboll pa Kufij”, kanë dale informacione se njeriu i parë i klubit të basketbollit Mornar ka vendosur të dhurojë dy milionë euro për të ndihmuar Republikën e Shqipërisë.
Paviçeviç njihet si filantrop i madh dhe humanist. Muajin e kaluar ai ka ndërtuar një terren sportiv për fëmijë në qytetin e Tivarit në Mal të Zi.
