Pasi mësoi se Vinicius Junior nuk do të ishte fituesi i çmimit të Topit të Artë 2024, Real Madridi vendosi të bojkotojë ceremoninë në Paris.
Ky vendim u kritikua nga shumë njerëz, përfshirë presidentin e La Ligës, Javier Tebas.Në një intervistë për L’Equipe, Tebas bëri të ditur ndjenjat e tij për këtë çështje.
“Unë jam një tifoz i Real Madridit. Vlerat e rëndësishme të këtij klubi janë të jesh zotëri dhe të shtrëngosh duart kur humbet. Mendoj se Real Madridi e ka humbur këtë mentalitet shumë kohë më parë”.
“Ata duhet të kishin shkuar në ceremoni dhe jo të vinin në dyshim sistemin e France Football, i cili është transparent, me 100 gazetarë që votojnë”.
“Tw luash viktimën si Real Madridit është e ekzagjeruar. Nuk e di ku po shkojnë. Ne gjithashtu e përjetojmë këtë mungesë elegance në Spanjë”, deklaroi Tebas.
Nuk ka dyshim se Real Madridi , dhe veçanërisht Vinicius, ndjejnë një ndjenjë padrejtësie për këtë çështje. /Telegrafi/
