Ikja e presidentit aktual Agron Çela nga drejtimi I Vllaznisë ka qenë një gjë që pritej ditën e djeshme. Madje, gjatë kësaj periudhe ka filluar të diskutohet shumë edhe për atë se kush mund ta zëvendësojë. Emri më I përfolur është ai I ish- presidentit tjetër, Valter Fushajt. Kjo gjë ka dalë edhe në media madje gazeten e ka cilësuar si diçka shumë konkrete. Pikërisht në lidhje me këtë gjë, presidenti në ikje Çela do të deklaronte: “Kam lexuar në gazetën tuaj për mundësinë e një rikthimi të mundshëm të Fushajt në këtë post. Nëse vërtetë ai ka dëshirë të kthehet, unë do të votoja me të dy duart për një rikthim të tij sepse Fushaj ka një kontribut të madh tek ky klub dhe di ta menaxhojë mirë atë”. Megjithatë vetë Fushaj gjatë gjithë kësaj periudhe nuk është ndier. Edhe në janar, u përmend emri I tij por ish- presidenti asnjëherë nuk ka shprehur vetë dëshirën për ta rimarrë klubin. Nëse këtë gjë ia kërkon Bashkia atëherë mund të jetë tjetër gjë, kuptohet Brenda kushteve që ai do të vendoste.
Çela: “Në Këshill do kërkojmë ndryshimin e drejtuesve të klubit”
Java e ardhshme pritet të jetë intensive sa I takon zhvillimeve tek Vllaznia. Përveç paraqitjes me shkrim të dorëheqjes së presidentit Agron Çela, do ketë edhe një thirrje jashtë rradhe në mbledhje të Këshillit Bashkiak Shkodër. Kjo për të shfuqizuar akt- marëveshjen e miratuar në mbledhjen e fundit të janarit të këtij viti në mes këtij biznesmeni dhe klubit Vllaznia. Por po në këtë mbledhje, mund të ketë edhe një kërkesë tjetër të një grupi këshilltarësh. Ndoshta të atyre të LSI-së, forcë që përfaqëson edhe presidenti I deritanishëm kuqeblu Agron Çela. Kërkesa mund të ketë si objekt zëvendësimin e disa prej drejtuesve të klubit shkodran. Këtë e ka bërë të ditur vetë deputeti I ri I cili ka thënë: “Në mbledhjen jashtë rradhe të Këshillit Bashkiak, përveçse do të miratohet mosfunksionimi këtej e tutje I akt- marësveshjes dypalëshe për administrimin e klubit Vllaznia, mund të ketë edhe një kërkesë tjetër të një grupi këshilltarësh. Ndoshta do jenë ato të LSI-së apo dhe të tjerë që do të kërkojnë të ketë ndryshime në rradhët e drejtuesve të klubit Vllaznia, duke filluar nga administratori I tij. Megjithatë këtë gjë t’ia lëmë ditëve të ardhshme. Disa gjëra duhen ndryshuar dhe klubi Vllaznia duhet të funksionojë ndryshe tani e tutje”.
