Nese ka dicka kete sezon qe po mundon drejtuesit dhe stafin e Vllaznise, me ne krye trajnerin Mirel Josa, eshte mosarritja e kreut te renditjes dhe mospasja e nje ecurie konstante ne kampionat. Per fat te keq, fitoret pothuajse jane pasuar gjithnje me nje humbje ose nje barazim, duke e lene skuadren ne vend, ne nje kohe qe edhe ekipet e tjera rivale nuk po bejne aq mire.
Shkodraneve u mungon vazhdimesia ne rezultatete per te qene seriozisht nje skuader qe nuk do ta kete problem arritjen e titullit, i cili kete sezon eshte kthyer ne nje gare vertete te forte midis disa ekipeve.
Mungesa e vazhdimesise dhe serise se fitoreve rradhazi eshte nje problem qe e kane vendosur theksin edhe vete drejtuesit me trajnerin Josa, te cilet shpresojne qe nje fitore me Partizanin te jete e ktheses dhe ekipi te mos vijoje me me luhatje ne rezultate.
Nderkohe, pikerisht prej nje fakti te tille, edhe presidenti i Vllaznise, Alban Xhaferi, se fundmi ka kerkuar qe skuadra te gjeje menyren per te arritur tek titulli, per te perligjur edhe investimet e bera nga klubi kete merkato, te cilat nuk kane qene te vogla.
Ne nje takim qe ka pasur me te gjithe ekipin diten e djeshme, presidenti Xhaferi ka kerkuar me cdo kusht fitoren diten e shtune ndaj Partizanit, ne menyre qe te afrohen perseri me kreun e renditjes dhe ndoshta, nje gje e tille i ka vendosur ne presion dhe para pergjegjesise futbollistet kuqeblu.
Megjithate, ne Shkoder duket se i kane dhene seriozitetin e duhur kesaj sfide te pare dhe Josa pritet te hedhe ne fushe te gjitha forcat per te dale me nje rezultat pozitiv dhe te mbaje gjalle shpresat per te shkuar drejt vendit te pare te renditjes.
Maringlen ZHIVANI
