Dy amerikanë të tjerë kanë mbërritur prej dy ditësh në Shkodër dhe i janë bashkuar Vllaznisë në stërvitje, Javis Hoëard dhe Christian Bradford. Por nuk do jenë vetëm ata që do t’i bashkohen kuqebluve. Ka qenë presidenti Alban Xhaferi ai që në një intervistë për televizionin Rozafa, ka shpjeguar edhe projekti që ai dhe stafi i tij kanë për të përforcuar skuadrën për gjysmën e dytë të sezonit.
-Xhaferi të tjera lëvizje tek Vllaznia e basketbollit…
-Në kuadrin e përpjekjeve për rritjen e cilësisë së ekipit si dhe të harmonizimit më të mirë të tij, kemi menduar të afrojnë disa lojtarë, por gjithmonë do të bëhen provë, do të testohen fillimisht para se të firmosen kontratat me to.
Për këtë arsye, gjatë kësaj periudhe pauze sepse siç dihet kampionati rifillon në fillim të shkurtit, do të vazhdojmë të testojmë lojtarë dhe shpresojmë të gjejmë lojtarët më të mirë të mundshëm në pozicionet përkatëse që ekipi të ecë përpara drejt arritjes së objektivit parësor, mosrënies nga kategoria dhe pastaj me shpresu për më lart.
-Përveç dy amerikanëve që tashmë kanë ardhur në Shkodër, priten edhe lojtarë të tjerë?
-Po, presim lojtarë të tjerë të vijnë. Një amerikan tjetër do të vijë në fillim të janarit, prsim po ashtu edhe malazezë, edhe serbë ndoshta. Pra janë disa lojtarë që do të vijnë për t’u provuar.
-Po nga kampionati shqiptar, ka ndonjë lojtar me të cilin jeni në bisedime?
-Për momentin jemi në kërkim por deri më tani nuk ka ende një lojtar të lirë pa kontratë që të vijë tek Vllaznia.
-Së fundi, ajo që pyesin të gjithë tifozët shkodranë është: A do shpëtojë Vllaznia?
-Ne jemi këtu për të bërë më të mirën, shpresojmë…
© shkodrasport.com
