Rrëshqitja e Kamzës në javët e fundit është e frikshme dhe kur ka mbetur për t’u luajtur edhe faza e fundit e kampionatit, skuadra e trajnerit Ndreu duhet të ruajë vendin që ka aktualisht, pas kërcënimit të Vllaznisë dhe Kamzës, që luftojnë për mbijetesë në Superiore.
Kamza humbi së fundi në fushën e saj me Partizanin dhe tashmë presioni është rritur shumë.
Edhe këtë javë kamzalinjtë luajnë në fushën e tyre, ku presin skuadrën më në formë të momentit, Kukësin.
Një ndeshje shumë delikate, ndoshta jetike për Kamzën, që në këtë fazë të fundit ka edhe kalendarin kundërt.
Me dy rivalët, Vllazninë dhe Teutën, Kamza luan në transfertë dhe kuptohet sa e vështirë do të jetë, kështu që djemve të drejtuar nga trajneri Ndreu u duhet të marrin sa më shumë pikë në ndeshjet e tjera, që të mbeten jashtë zonës së ftohtë.
Kamza ka në ekip lojtarë cilësorë dhe mund ta kalojë këtë situatë, por dihet që në javët e fundit të kampionatit ndikojnë shumë edhe faktorët e jashtëm, ku skuadrat me emër janë gjithmonë të favorizuara. Mbijetesa është sfida e Kamzës në këto 9 javë të mbetura. / Vipsport/
