Edi Martini është prezantuar sot para skuadrës së tij të re, Teutës së Durrësit, në fakt aty ku rikthehet pasi e ka drejtuar edhe vite më parë po në Superiore. Martini si trajner ka eksperiencë, pasi dy herë ka drejtuar Luftëtarin e Teutën dhe një herë Vllazninë e Laçin.
Në prononcimin që ka dhënë për “Rtshsport”, para skuadrës ditën e sotme shkodrani tashmë i pankinës durrsake ka pohuar: “Pothuajse të gjithë i njoh, madje jo profesionalisht por ju kam ndjekur gjatë ndeshjeve juve dhe sidomos ekipin e Teutës”.
Në lidhje me synimet, Martini është shprehur shkurtimisht: “Ishalla dalim faqebardhë, por duke nisur menjëherë nga puna, për të tjerat do të kemi kohë në vazhdim pasi do të punojmë shumë këtë periudhë që të rikthehemi te rezultatet pozitive”./Vipsport/
