Pas organizimit me sukses ne turneut “Fists of Fire” ne Offenbach te Gjermanise, promotori Mondi Ndou sebashku me bashkepunetoret e tij Melser Abdyli dhe Gjovalin Ndou kane nder mend te organizojne ne muajin mars ne Shkoder turneun me te madh qe eshte bere ndonjehere ne Shqiperi.
Siç dihet, ne mars zakonisht zhvillohet Memoriali Nderkombetar i boksit “Vllaznia”, turne qe njihet edhe nga Federata Europiane e Boksit. Pikerisht ne ato dite po mendohet qe sebashku me boksin olimpik, te zhvillohen edhe ndeshje te boksit profesionist.
Vete Ndou ne nje prononcim te shkurter per “Shkodra Sport” eshte shprehur: “Planet tona jane qe ne muajin mars ne Shkoder, kur dhe zhvillohet Memoriali, te kete nje aktivitet fantastik edhe per boksin profesionist. Po bisedojme me drejtuesit e Vllaznise por edhe me presidentin e Federates Shqiptare te Boksit z. Kalivopulli dhe mendoj se do te bejme diçka shume te bukur”.
Ndou, nje ish- boksier i Vllaznise i fillimit te viteve ’90 tashme eshte nje biznesmen shume i suksesshem ne Gjermani, por nderkohe tek ai eshte rikthyer pasioni per boksin dhe si rrjedhoje ka marre rolin e promotorit. “Fists of Fire” ka qene aktiviteti i pare i organizuar prej tij dhe ka qene nje kryeveper qe ka marre edhe vleresimet e gjermaneve.
Mondi ka ne mendje shume projekte ambicioze dhe dyti ne rradhe eshte Memoriali i Shkodres. Ne pamje te pare duket se ka kohe deri atehere, por tre muaj nuk jane asgje per te krijuar nje turne vertete dinjitoz dhe prandaj planet kane filluar te behen qe tani.
Gjergj KOLA
