Ditën e djeshme, Eraldo Deda u zyrtarizua në rradhët e skuadërs së AF Elbasanit. Verdheblutë konfirmuan afrimin e mesfushorit shkodran, madje edhe duke bërë prezantimin e tij. 21-vjeçari për ‘Shkodra Sport’ shprehet shumë i lmutur për këtë lëvizje, ku thekson se është pjesë e një ekipi legjendar dhe që do tentojë Superioren në sezonin që vjen.
Deda tha: “Jam i lumtur për këtë lëvizje timen të fundit që kam bërë. Do jem pjesë e një skuadre legjendare në futbollin tonë që pavarësisht se ka pasur problematikat e saj, ka një project ambicioz për ringritjen. Për këtë arsye jam këtu sepse shoh një ambient shumë pozitiv dhe të etur për të bërë mirë në sezonin që vjen.
Kisha edhe oferta nga skuadra të tjera, por u binda nga Elbasani ku premtoj se do jap maksimumin tim sa herë të jem në fushën e lojës. Është një eksperiencë e re, të cilën dua ta shijoj dhe patjetër të kem sukses së bashku me ekipin.
Objekivi? Kjo skuadër dhe ky qytet e meriton të jetë në Superligë, prandaj ai mbetet objektivi. Ngjitja në Superiore, por për këtë ka shumë punë përpara dhe ne duhet të jemi të përgatitur për çdo vështirësi”.
Endri ÇINARI
