Një nga futbollistët shkodranë që për momentin është i lirë në merkato është edhe Olsi Shema. Mbrojtësi që sezonin e shkuar e mbylli në rradhët e Orikumit, ka mbyllur bashkëpunimin me bregdetarët.
I kontaktuar nga “Shkodra Sport”, ai falenderon Orikumin për periudhën e kaluar aty e ndërsa thekson se po shqyrton ofertën e duhur për të.
Shema tha: “Dua ta nis me një falenderim për Orikumin. Që pavarësisht se gjërat nuk shkuan ashtu siç duhet në fundin e edicionit, mund të them se ishte një eksperiencë e vlefshme. I uroj suksese skuadrës në të ardhmen pasi e di që kanë projekte ambicioze. Unë tashmë jam një lojtar i lirë dhe po studioj ofertën e duhur.
Nuk ka munguar interesimi ndaj meje, nga disa klube në Kategorinë e Parë apo edhe në Kosovë. Ende nuk kam vendosur se cili ekip do jetë i ardhshmi për mua. Nuk dua të nxitoj dhe prandaj po shqyrtoj një ekip që ka pretendime dhe që mund të garantojë aktivizimin tim”.
Endri Çinari
