Zhvillime te shumta tek Basania dy ditet e fundit. Fillimisht u deklarua shkrirja e ekipit, por me pas gjerat ndryshuan sepse vendimi duket se ka qene emocional pas humbjes ndaj Naftetarit. Megjithate analiza e situates tek kjo skuader eshte bere dhe si rrjedhoje, ai qe e ka pesuar nga mungesa e rezultateve ka qene trajneri Haris Lika i cili nuk do te jete me ne kete detyre.
Presidenti i Basanias Ermir Shimaj duke folur per “Star Plus” ka shpjeguar vendimin fillestar per shkrirjen e skuadres dhe po ashtu edhe vendimin tjeter per te nderprere bashkepunimin me trajnerin.
“Fillimi nuk ka qene aty ku e kemi pritur. Sporti ka brenda edhe anen emocionale dhe jane ato momentet kur zhgenjimet apo merzitjet e momentit sjellin edhe ndonje vendim jo te sakte ndoshta, por e perseris disa jane vendime emocionale te cilat nuk mund te shmangen dot.
Kur ka mungese rezultatesh, kuptohet qe jo e gjithe pergjegjesia eshte e trajnerit por gjithsesi eshte ai qe merr kostot. Tek skuadra jone duhej te ndryshonim diçka dhe fatkeqesisht mbase edhe ne kete rast barra e pergjegjesise ra mbi trajnerit per te cilin morem vendimin e nderprerjes se bashkepunimit”- eshte shprehur ai.
I pyetur nderkohe se cilat do te jene pretendimet e skuadres per te ardhmen, presidenti Shimaj ka shtuar. “Pavaresisht kesaj situate te krijuar, une serish mendoj se skuadra mund ta kape vendin e trete ne renditje sepse kemi treguar se mund te jemi shume konkurrues dhe kemi lene disa pike qe kane qene plotesisht te mundshme per t’i marre. Une besoj serish tek skuadra se ajo mund te rikthehet te marre pike qe ne ndeshjen e rradhes”./www.shkodrasport.com/
