Kombetarja shqiptare ne tete vitet e fundit na ka bere krenare te gjitheve. Per te dyten here, ajo do te marre pjese ne Kampionatin Europian duke qene kesisoj ne gare me shtetet me te forta te kontinentit.
Por nderkohe duhet thene se gjate gjithe ketyre viteve, me fanellen kuqezi kane luajtur edhe disa futbolliste nga Malesia e Madhe. Dhe emrat ne fakt jane te bujshem, duke filluar nga Rudi Vata, e per te vazhduar me Bekim Balajn, Elseid Hysajn, Armando Brojen, Enis Çokajn dhe per te mberritur deri tek zbulimi i fundit- Mario Mitaj, raporton shkodrasport.com
Pikerisht per kete arsye, kryebashkiaku i Malesise se Madhe ka gati nje propozim shume interesant qe do ia paraqese se shpejti Keshillit Bashkiak per te marre vendimin e duhur: Ate te dhenies se titullit te larte “Qytetare Nderi” per te gjithe keto futbolliste qe e kane perfaqesuar me dinjitet fanellen e kombetares shqiptare.
“Jemi krenare per keto djem te treves se Malesise se Madhe dhe nje titull “Qytetare Nderi” i saj padyshim qe eshte minimumi qe mund te bejme per nderimin e tyre, per gjithe ate se çfare kane dhene keto vite per kombetaren tone”- eshte shprehur Marinaj./SHKODRA-SPORT.COM/
