Nëse Liga e Kampioneve dhe Liga e Europës kanë një finale tërësisht angleze, arsye është edhe fakti se klubet e Premier Ligës janë kthyer në superfuqi financiare që afrojnë yjet më të mëdhenj të futbollit. Edhe klube mesatare kanë fuqi të jashtëzakonshme ekonomike dhe kjo vjen si meritë e administrimit dhe fitimeve që sigurojnë nga shitja e të drejtës televizive.
Premier Liga ka bërë publike se si janë shpërndarë 2,4 miliardë paund për sezonin e fundit, duke detajuar fitimet kolosale që ka siguruar çdo klub nga e drejta TV sipas numrit të ndeshjeve që janë transmetuar apo edhe renditjes në tabelën e klasifikimit.
Bie në sy se ekipi që ka përfituar më shumë, 152 milionë paund, është Liverpuli dhe jo Mançester Siti i vendit të parë, ndërsa për thuajse të gjithë ka pasur më shumë se 100 milionë paund fitime nga e drejta televizive. E vetmja skuadër e cila ka përfituar më pak është Hadërsfilld i vendit të fundit që është dashur të kënaqet me “vetëm” 96 milionë paund. /vipsport/
