Opinion nga Roland LUÇI
U vendos me sa duket qe Shkodra te kete stadiumin e vet bashkekohor te futbollit qe do te plotesoje standardet e FIFA-s (tha KM) dhe pikerisht per ndeshjen kunder Serbise do te hape per here te pare portat e tij te rinovuara per publikun e zjarrte futbolldashes te atij qyteti pioner te futbollit, por dhe me gjere.
Nderkohe qe ishte pikerisht ndeshja-skandal e Beogradit (e futbollit sigurisht) qe u be shkak qe stadiumi i ri “olimpik” i Elbasanit te skartohet si arene futbolli dhe te linde nevoja e nje kulise te re per te.
Pra vini re, ne te gjitha rreshtat e shkruara me siper behet fjale per stadium dhe per futboll dhe asgje tjeter, me perjshtim te artifices “olimpik” qe sigurisht mbet vetem ne leter dhe ne…parate e harxhuara kot.
Qe nje stadiumi duhet te plotesoje standardet e FIFA-s qe te mund te licencohet si i tille dhe te mund te luhen aty ndeshje futbolli (jo vetem nderkombetare ne fakt) eshte e njohur. Por po aq e ditur eshte qe kjo arene duhet te permbaje dhe disa kushte te tjera arkitektonike e inxhinjerike qe te jete funksionale, e rehateshme per shikuesit, impozante ndaj aktoreve ne fushe ne menyre qe realisht tifozeria te jete lojtari i dymbedhjete ne mbeshtetje te ekipit te zemres! Prandaj dhe bota ka vite qe nderton vetem stadiume futbolli qe ndertimi ti sherbeje qellimit te investimit dhe jo termave propagandues nostalgjike mveshur me terma te lashtesise si “olimpik” per shembull…
Qe te mos zgjatem, edhe ne shkrime te tjera e kam ngritur kete problem qe stadiumi i Elbasanit te ndertohej vetem per futboll; kujt i flet, mund te pyes dikush – e drejte, me murin nuk flitet, ose flitet, por badihava!
Kam thene se ndertimi ne formen “olimpik” i shperndan spektatoret tejet shume ne hapesire dhe si rrjedhim mbeshtetja vizive dhe akustike per ekipin e tyre dmth Kombetaren reduktohet shume, prandaj dhe e quajta nje “stadium te shpelare” ate te sapondertuarin ne Elbasan ne nje shkrim te kaluar, qe plotesonte kushtet e FIFA-s, por jo te mbeshtetesve te zjarrte te Perfaqesues sone gje qe u vu re ne ndeshjen k/Danimarkes ku atmosfera e zjarrte ne shkallet e stadiumit nuk percillej si duhet ne forme mbeshtetjeje te ekipi yne ne fushe dmth dhe as si faktor shqetesues per ekipin kundershtar! Perveçse jemi deshmitare te kesaj, edhe ecuria e lojes e konfirmon per sa thashe me siper.
Dhe u desh ndeshja me Serbine qe personat pergjegjes ti thirrnin mendjes e te vinin ne perfundimin se na duhet nje stadium tjeter, me i madh, me imponues ndaj kundershtarit. Por perseri do te pendohen zoterinjte per projektin e deshtuar qe duan te realizojne, per parate e hedhura gjysem kot, per stadiumet e porsandertuara qe shpejt do te vihen ne listen e ri-rinovimit dmth te prishjes dhe ndertimit te arenave te pastra futbollistike.
Pra shkurt muhabeti stadiumi i Shkodres duhet te jete nje impiant futbollistik qe investimi, pritshmeria, kerkesat e kohes te kene kuptim dhe jo si gjithmone disa kohe mbas Europes, atje ku diçka tejkalohet-te ne behet e modes, gjithmone me disa dekada vones dhe mbas pak vitesh te vihet perseri ne listen e rikonstruktimeve!
Edhe praktikisht nuk ka kurrfare shpenzimesh shtese po te realizohet ne Shkoder per sa shkruajta me lart, perkundrazi fitohet dmth tepron territor i vyer ne qender te qytetit i cili financiarisht tejkalon shpenzimet e ndertimit te nje impianti per atletiken ne nje vend te pershtatshem ku atleteve dhe dashamiresve te saj tu plotesohen te gjitha kushtet dmth dhe nocioni “olimpik” ne kuptimin “shumesportesh” nuk humbet, por cilesisht ngrihet me lart. Planin e nje ndertimi te tille qe ploteson te gjitha parametrat bashkekohor te atletikes ne rast se deshirohet ua ve une ne dispozicion personave apo institucioneve pergjegjese, gratis si gjithmone…
Teknikisht si mund te shihej ndertimi i stadiumit te ri te FUTBOLLIT:
a-Ose ne ambientin aktual duke adaptuar ose dhe ndertuar te re tribunen harkore mbas portes veriore qe eshte teresisht jashte mode e teper larg fushes se futbollit. Tribuna “perballe” mbet aty ku eshte, fusha zhvendoset disa metra ne drejtim te saj,tribunat e tjera duhen te reja.
b-Stadiumi aktual eshte aq i gjere sa qe fusha mund vendoset per se gjati ne gjeresin e saj dhe “mbasporta” aktuale te kthehet ne “perballen” e te riut; pjesa tjeter duhet rikonstruktuar qe simetria e ndertimit te realizohet.
Varianti “a” sigurisht qe do te ishte me optimali.
PS: Presidentit te FSHF ja dergoj vete shkrimin e mesiperm, kush ndihmon qe persa kam shkruar ta lexoje dhe Kryeministri (qe fatmiresisht po ndihmon futbollin si askush me pare ne postin e tij) do ti bente nder futbollit, Shkodres dhe Kombetares.
