Të dy sëbashku kanë qenë pjesë e rëndësishme e Vllaznisë së viteve ’60-’70 por edhe e kombëtares shqiptare. Më pas edhe si trajnerë me ekipet kombëtare dhe jo më kot, konsiderohen dy figura gjigande të futbollit tonë.
E kemi fjalën për Ramazan Rragamin dhe Medin Zhegën të cilët kanë shkëlqyer në këtë sport. Pak kohë më parë, mjeshtri Rragami do të shprehej në këtë mënyrë për kolegun e tij:
“Sulmues kryesor në vitet që ka luajt si tek Vllaznia, Dinamo dhe ekipi kombëtar. Driblues i mirë në ecje, falë individualitetit të tij. Perfekt në goditjet me kokë qoftë drejt portave kundërshtare, ashtu edhe në pasimet për shokët e ekipit.
Me Zhegën Vllaznia ka nxjerrë sulmuesin modern të kohës. Mund të kishte luajt edhe më shumë por
ka vuajtur jo pak nga dëmtimet por falë vullnetit të fortë, ka arritur të triumfojë”.
Rragami pak më i madh në moshë ka filluar të luajë më herët me Vllazninë ndërsa Zhega luajti deri në fund të viteve ’70 duke lënë padiskutim një emër të madh në historinë e këtij klubi dhe jo vetëm atij.
© shkodrasport.com
