Sulmuesi brazilian, Raphinha është bërë lojtari i katërt brazilian që shënon tre gola apo “hat-trick” brenda një ndeshje për Barcelonën në Ligën e Kampionëve.
Barcelona ka mposhtur Bayern Munichun me rezultat 4-1 në ndeshjen e xhiros së tretë të Ligës së Kampionëve të zhvilluar të mërkurën mbrëma.
Ekipi i trajnerit Hansi Flick dhuroi një paraqitje mahnitëse dhe fitoi falë tri golave të Raphinha dhe një tjetër të Robert Lewandowskit.
Megjithatë, vëmendja është tek ylli brazilian, Raphinha, i cili ka arritur një rekord në vete me tri golat e shënuar, duke u bërë vetëm lojtari i katërt brazilian i Barçës që shënon hat-trick në Ligën e Kampionëve.
Tre lojtarët e tjerë që e bënë këtë ishin Neymar kundër Celtic më 2013), Ronaldinho kundër Udinese në vitin 2005 dhe Rivaldo kundër Milanit në vitin 2000.
Raphinha u bë gjithashtu lojtari i katërt që shënon një hat-trick kundër Bayern Munichun, në historinë e të gjitha kohërave të Ligës së Kampionëve. Ndryshe, 27-vjeçari ka bërë mbrëmë (e mërkurë) paraqitjen e tij të 100-të për katalunasit. /Telegrafi/
