Dy gola të shënuar nga Marcus Rashford në harkun e dhjetë minutave, gjatë pjesës së parë, i kanë dhënë Manchester United fitoren 2-1 ndaj Liverpool në “Old Trafford”.
“Djajtë” fitojnë atë që quhet “derbi i Anglisë” pasi luajnë dy ekipet që e kanë fituar më shumë titullin kampion dhe parakalojnë “të kuqtë” në renditje, duke u kthyer në vendin e dytë.
Pa u mbushur çerekore lojë, Rashford e shënoi golin e parë pas një pasimi të marrë nga Lukaku, duke goditur fort, pa i dhënë mundësi reagimi portierit mik, ndërsa dhjetë minuta më vonë realizoi dhe golin e dytë duke u konfirmuar si “vrasësi i të mëdhave”.
6 nga 15 golat e këtij futbollisti në Premier League kanë ardhur me gjashtë “kundërshtarët e mëdhenj” në kampionat.
Liverpool u rikthye në garë kur u mbush një orë lojë, pasi Eric Bailly bëri një autogol që mund të quhet me të vërtetë spektakolar, kur e goditi topin me themër pas krosimit të Saido Mane dhe e çoi pas shpinës së portierit të tij David De Gea, krejtësisht i pafajshëm.
Megjithatë të besuarit e Mourinho e mbrojtën deri në fund fitoren dhe kanë 62 pikë, dy më shumë se Liverpool i vendit të tretë./telesport/
