Pak dite me pare gazeta “Shkodra Sport” permes nje shkrimi- analize eshte ndalur tek mbyllja e sezonit te kaluar per ekipet e lojerave me dore te Vllaznise si dhe per objektivat e sezonit te ri. Kuptohet qe ideja ishte per te treguar gjendjen aktuale te secilit prej kater ekipeve, per shanset dhe mundesite e pretendimeve.
Por nderkohe ne redaksine e gazetes menjehere pas lajmit na ka ardhur nje mesazh prej nje pjestari te ketyre ekipeve, i cili nuk ka deshire te identifikohet. Ai ka dashur te ndalet tek disa problematika qe po hasin jashte parketit te fushes dhe qe kane te bejne me kushtet e stervitjes.
E para e punes, te stervitesh keto dite kur ne ambjentet jashte temperatura ka shkuar deri ne 40 grade, llogarite sesi eshte gjendja ne pallatin e sportit “Qazim Dervishi” ku situata eshte tmerresisht jonormale per stervitje. Per te rregulluar kete gje ndoshta eshte pak problem sepse duhet investim i madh, por sportistet dhe trajneret kerkojne kushtet me minimale per stervitje.
Mjafton kjo foto dhe keto video nga dhomat e zhveshjes per te kuptuar se problemet ekzistojne edhe aty. Nje automat eshte djegur prej gati nje viti dhe si rrjedhoje kjo nuk e ve ne funksion pompen e ujit, rrjedhimisht edhe dy dushe per larjen e sportisteve. Askush nuk e ka marre mundimin per ta zgjidhur kete problem, ndonese u eshte kerkuar disa here dhe si rrjedhoje kane qene vete sportistet qe kane gjetur zgjidhje alternative, vetem e vetem qe te pakten te sigurojne ujin.
Numri i punonjesve ne pallatin e sportit eshte reduktuar pas reformes se ndermarre nga Bashkia Shkoder, e kjo duket se ka sjelle edhe njefare problemi sepse ky objekt sportiv nuk ka njerezit e duhur per mirembajtjen e tij. Personi ne fjale qe na ka derguar mesazhin shpreson shume qe pas berjes publike te ketyre shqetesimeve, situata te ndryshoje sepse ato po kerkojne kushtet me minimale te stervitjes sepse nese nuk jane edhe ato, atehere çfare rezultatesh mund te presesh ne fushe./www.shkodrasport.com/
